အတာရေနဲ့မုန့်လုံးရေပေါ်

ပြီးခဲ့တဲ့ တနင်္ဂနွေက ဒီနိင်ငံမှာ မြန်မာသင်္ကြန်ပွဲတော် ကျင်းပပါတယ်။ ကျုံးဟော်မြို့ကလေးရဲ့ မြန်မာအစားအစာတွေရောင်းတဲ့ ဟွှားကျင်းကျဲဆိုတဲ့ လမ်းမှာ လုပ်ပါတယ်။ ဒီရပ်ကွက်လေးက မြန်မာလူမျိုး များစွာ နေထိုင်တဲ့ ရပ်ကွက်လေးလည်းဖြစ်တယ်။ ဟွှားရှင်းကျဲဆိုတဲ့ လမ်းလေးထဲ ဝင်လိုက်တာနဲ့ ဆိုင်တိုင်းမှာ မြန်မာအစားစာ တော်တော်များများကို မြန်မာလိုပြောပြီး မှာစားလို့ရပါတယ်။ အိမ်နဲ့ သိပ်မဝေးလှပေမယ့် နှစ်တိုင်း ရေသွားဆော့လေ့တော့ မရှိပါဘူး။ သင်္ကြန်အစီအစဉ်ကို တီဗီကနေ တစ်နေ့လုံး တိုက်ရိုက် လွင့်ပေးတာကြောင့် ရေစိုစရာ မလိုပဲ အိမ်က ကြည့်ရတာလည်း အရသာ တစ်မျိုးပါပဲ။ သူငယ်ချင်းတွေကတော့ ရေလာဆော့ရင်း ကျွန်မ ဆီလာလည်ကြပါတယ်။ သူငယ်ချင်းတွေစုံနေတာနဲ့ မုန့်လုံးရေပေါ် လုပ်ဖြစ်သွားတယ်။ ပထမဦးဆုံး ကိုယ်တိုင် လုပ်တဲ့ မုန့်လုံးရေပေါ်လေးပေါ့။ လုပ်ရတာ လွယ်ပေမယ့် ကောက်ညင်းမှုန့်ကို ရေဖျော်ပြီး နယ်ရတာ လက်တောင် ညောင်းတယ်။ ကောက်ညင်းက စီးပြီး ကပ်နေတော့ မနည်းနယ်လိုက်ရတယ်။ သူငယ်ချင်းများနဲ့စုပြီ တိုက်ရိုက်လာတဲ့ သင်္ကြန်အစီစဉ်လေးကြည့်ရင်း မုန့်လုံးရေပေါ် လုံးဖြစ်ကြတယ်။ မုန့်လုံးရေပေါ်လုပ်ရတာ အရမ်းလွယ်ပါတယ်။ ပါဝင်တဲ့ ပစ္စည်းကလည်း သိပ်အများကြီး မဟုတ်ပါဘူး။ သုံးမျိုးထဲပါ။

၁။ ကောက်ညှင်းမှုန့်
၂။ ထန်းညက်
၃။ အုန်းသီး တို့ပဲ ဖြစ်ပါတယ်။


ကိုယ့်ဘာသာ လက်တည့်စမ်းတဲ့ မုန့်လုံးရေပေါ်မို့လို့ ကောက်ညှင်းကိုတော့ ချိန်မနေတော့ပါဘူး။ လိုသလောက် နယ်မယ့် အိုးထဲ ထည့်လိုက်တယ်။ ပြီးတော့ ရေနွေးနွေးလေး လောင်းပြီး တစ်ဖြေးဖြေးချင်း မာလာတဲ့အထိ နယ်ရပါတယ်။ မာလာပြီဆိုရင်တော့ ကောက်ညှင်းထဲ စိတ်ထားတဲ့ ထန်းညက်လေးတွေ ထည့်ပြီး လုံးလိုက်တယ်။ ဆူနေတဲ့ ရေနွေးပွက်ပွက်ထဲ ထည့်ပြုတ်ရုံပါပဲ။ ရေပေါ်မှာ ပေါ်လာရင်တော့ ဆယ်ပြီး ရေအေးထည့်ထားတဲ့ ဇလုံထဲ ထည့်ကာ အအေးခံလိုက်တယ်။ ရေထဲက မုန့်လုံးရေပေါ်လေးတွေကို ဆယ်ပြီး အုံးသီးဖတ်လေးတွေ အပေါ်ကဖြူးလိုက် စားချင်စဖွယ် မြန်မာရိုးရာ မုန့်လေးရလာပါတယ်။
သင်္ကြန်ရေနဲ့ မုန့်လုံးရေပေါ်
ရေစိုစိုနဲ့ မုန့်လုံးရေပေါ်
ပိတောက်ပင်အောက် မုန့်လုံးရေပေါ်
သင်္ကြန်ကားပေါ်က မုန့်လုံးရေပေါ်....
ဟိုနေရာလည်းသူ..
ဒီနေရာလည်းသူ

သင်္ကြန်ရေစိုစိုနဲ့ စားလိုက်ရတဲ့ မုန့်လုံးရေပေါ်လေးက သင်္ကြန်ရေတွေနဲ့ အရသာ ထူးကဲလှပါတယ်။ ဘလော့က မောင်နှမများ မနေ့က ရေလိုက်လောင်းပြီးလို့ ဒီနေ့ မုန့်လုံးရေပေါ်လုပ်ကျွေးလိုက်ပါတယ်။ အားလုံးပဲ မင်္ဂလာရှိသော နှစ်သစ်မှာ မုန့်လုံးရေပေါ်လေးစားရင် ပျော်ရွှင်ကြပါစေ...။ ကိုယ်တိုင်လုပ်ထားတဲ့ မုန့်လုံးရေပေါ်လေးစားရင်း မြန်မာပြည်ကြီးကို လွမ်းနေမိလိုက်သေးတယ်....။
ဒီနေရာမှာတော့ အလွမ်းတွေ တူနေကြမယ်ထင်ပါတယ်လေ။

ချစ်ခင်လေးစားစွာဖြင့်
မြတ်မွန်